حاجه تزهق وتقرف اساسا محدش بيفتح البوست بتاع من نحن واحنا مين ولا الكلام ده كله الناس اساسا بتكسل تقرا المواضيع المهمه هاتدخل على من نحن ولا احنا مين
وبعدين يعنى احنا كنا سالناكم من انتم ؟؟؟
وعلى العموم على شان فى شويه ناس لازم تعرف كل حاجه احنا شويه شباب قرف وزهق من القعده على القهاوى والكافيهات ولعب الدومنه والكوتشينه فا قولنا نعمل بلوجر ونكتب فيه جايز نبقى مشهورين ويطلع اسمنافى الجرايد والتلفزيون المصرى وناخد فلوس على الكلام ونبقى اغنيه بقى ونسافر بره مصر ومانرجعش تانى
الفكره بقى بتاعت البلوجر على شان مش كل ما نكتب موضوع يطلع واحد يقولى مش فاهم وانا كا انسان مش هاستحمل فى كل موضوع يطلع واحد يسالنى احنا فى كل موضوع هانحط الاسئله والاجوبه والدروس المستفاده على شان نريحكم انتو بس تقولوا برافوا وشكرا والله ينور
الفكره هى انك لما تكون فى موقف من المواقف او مكان ما ممكن فى نفس الموقف تحس باحاسيس مختلفه وتفكر بكذ طريقه بس الظاهر عليك شعور واحد او احساس واحد احنا بقى هانكتب كل الا حاسيس دى كل واحد لوحده طبعا مش فاهم مش مشكله لما نكتب اكيد هاتفهم وانا هالاقى كلام تانى اكتبه هنا تفهم منه بس دلوقتى مافيش غير كده
فقره الاسئله والاجوبه
السؤال الاول انته بردوه ماقولتش انتو مين ؟؟
الاجابه انته كويس لو كنت عاوز تسال السؤال ده بس بردوه مش هانقول الا لو كنت بنت حلوه اوى اوى
السؤال التانى هو انتو ليه مش بتلعبوا بلاى استيشن ؟؟؟
الاجابه انته مالك بس على العموم انا قولت بنقعد فى قهاوى ودى ماينفعش يدخلها لاب توب الناس تتريق علينا
السؤال التالت انته مش حاسس انك رخم وثقيل وبتستظرف ؟؟؟
طبعا حاسس مهو انا واحد من الجروب اللى هاتكتب وعندنا كمان الزهقان المتشائم والكئيب والقرفان من حياته والمثقف المتعلم وفى واحد ظريف فعلا
الدروس المستفاده
طبعا ولا حاجه لانى شخصيا مكنتش هاقرا البوست ده لو فى بلوجر تانى
